Dedikada a las nonas i a los nonos.
Pasensia, pasensia,
Kon muncha sensia,
I intelijensia.
Madam Kohen Pesia,
Enkantada kon sentimiento,
Anyos ke esta en pensia.
Apoko, apoko, enviejeserse.
Ama jeneralmente,
No esta korriendo.
Emburujando el sinyo de la vejes,
Kon modestia,
Umildad i kerensia.
Pasensia, pasensia,
Mirando, rekonstruendo,
Pensando i akodrando.
Komo el treno de la vida,
Los dias i los anyos largos,
Estan, apoko, apoko, pasando.
Pasensia, pasensia,
Kon muncha sensia.
Lo ke avia de ser? Avia!
Lo ke va vinir? Ke venga!
Ke sera, sera kon intelijensia,
I bolsas de pasensia!
Comments