Una recheta de chupar los dedos: Dulsurya Turka, Firin Sutlach
- Clara Selechnik
- Apr 1
- 2 min read
Bendichas manos! La kultura sefardí tiene una gastonomía maraviyoza, enrikesida por los varios lugares ande tenemos estado durante muestra larga istorya. Esta gastronomía tiene akumulado las savores de la antigua Sefarad, i de varias rejiones de Evropa i del Imperio Otomano.
Sovre la recheta de oyOy vos prezentamos una recheta de muestra kerida amiga Clara Selechnik Palatchi, ke es de chupar los dedos. Esta recheta es muy fásil de preparar, i el resultado es muy savrozo, i se puede komer en kualker momento.
Clara mos eskrive: “Mi madre guadró esta recheta de mi nona ama eya molía el arroz kon una piedra (yamada metate) ke se uza en Guatemala para moler el maiz. Agora se merka el arroz ya molido i es maraviya de gizar i muy savrozo.”
Materiales
1/3 findjan de arroz
1 litro de leche
1/3 findjan de de arroz molido
1/2 findjan de asúkar
2 kucharas (muy yenas) de arina de patata
1/2 kupa de agua
Aprontar
Kayentar el orno a 200 grados sentígrados. Revizar i enshaguar el arroz. Desharlo una ora en agua tivia. Enshaguarlo i eskurrirlo kon un kolador.
Meter el arroz en la leche a buyir en mesklandolo (o karishtreyandolo). En 1/2 kupa de agua dezazer la arina de patata. En 1/2 kupa de agua dezazer el arroz molido. Adjustar la asúkar a la leche, mesklandolo kontinuamente. Adjustar las 2 arinas también a la leche, entre vente o ventisinko minutos asta ke se empesa a atar. Abashar el fuego. Kuando ya esta atado, inchir 6 chanakitas i meterlas al orno de 200 grados sentigrados (400ºF) en “banyo mari” por 2 puntos asta ke se endora enriva. Se mete a yelar en el frijider.
Se sirve yelado! Beraha i salud!
댓글